22 سنه , قضيتهم في ايه ؟ مش عارف .. فاكر منهم ايه ؟ مش فاكر .. طب هتعمل ايه ؟ والله ما عارف .
بس ادينى ماشى وسط الناس ببص يمين وشمال بلاقى حالى ميختلفش عن معظم الناس . ف ما بزعلش .. هو انا عاوز ايه اصلا ؟ عاوز الستر .. بس انا طماع انا عاوز كل حاجه , وبعد ما آخد كل حاجه ابقى اسيب اللى مش عاوزه .. مسأله بسيطه . بس مش هتحصل ..
مشكلتى ان احلامى مش بسيطه . مش واقعيه وغير منطقيه بس اعمل ايه في دماغى !!
ولا مرسى نافع ولا حمدين هينفع طول ما هما مش عارفين يحسوا اللى انا حاسسه . 23 24 25 26 30 40 60 50 سنه .. سنين بتجرى او ممكن يقف العد دلوقتى واموت .. محدش ضامن عمره .. بس برضوا هفضل احلم بالتغيير .. التغيير اللى اتأخر كتير واللى عشان يحصل اخد معاه ارواح شباب زى الورد ,,, ومع ذلك لسه محصلش !! . بس السؤال .. هو مفيش حاجه اتغيرت ليه ؟؟ امال عملنا ثوره ليه ؟؟
عيش , حريه , عداله اجتماعيه
زى ما الانسان بيحتاج انه يشحن نفسه كل فتره ,, برضو محتاج يخرج الطاقه المكبوته اللى جواه والا عقله هيفوّت وهيتعب نفسياً.. زى الطير اللى دايما محبوس وعمره ما طار وخرج بره القفص.. زى الحى المدفون في قبره .. احساس بالعجز
ان تبقى عاوز تعمل حاجه ومش عارف ومحدش بياخد بايدك ويحطك على الطريق .
عاوز شغل ؟ .. عامل ,, حارس ,, او تشتغل عند كلب
الكلاب في البلد دى اكتر من البنى ادمين على فكره .. عارف مين هما الكلاب . اى حد ماسك سلطه كلب وأى حد رزقك متوقف عليه كلب ,, تخيل كده كلب يبقى ليه سلطه عليك !!.. مش هيعاملك معاملة بنى ادمين.. لأ.. هيعاملك معاملة كلاب !
اللهم لا تحكم الجهلاء في امرى.
زى ما الانسان بيحتاج انه يشحن نفسه كل فتره ,, برضو محتاج يخرج الطاقه المكبوته اللى جواه والا عقله هيفوّت وهيتعب نفسياً.. زى الطير اللى دايما محبوس وعمره ما طار وخرج بره القفص.. زى الحى المدفون في قبره .. احساس بالعجز
ان تبقى عاوز تعمل حاجه ومش عارف ومحدش بياخد بايدك ويحطك على الطريق .
عاوز شغل ؟ .. عامل ,, حارس ,, او تشتغل عند كلب
الكلاب في البلد دى اكتر من البنى ادمين على فكره .. عارف مين هما الكلاب . اى حد ماسك سلطه كلب وأى حد رزقك متوقف عليه كلب ,, تخيل كده كلب يبقى ليه سلطه عليك !!.. مش هيعاملك معاملة بنى ادمين.. لأ.. هيعاملك معاملة كلاب !
اللهم لا تحكم الجهلاء في امرى.
تعبت وانتوا بالكم طويــل .. هستناكم لحد امتى . مش انتوا اللى بتجروا ورا السلطه وعاوزين تمشوا البلد على طريقتكم .. ماشى عاوزين نشوف هتعملوا ايه .. وهفضل فوق دماغكوا لحد ماتظهرلى حسن نيتكم .. اصلاً كلكم متهمين ..
بس الاهم من كل اللى فات دا ان الانسان يهتم لكن ميشغلش باله ..!! اعمل اللى عليك وسيب الباقى على ربنا .. بس تكون عامل اللى عليك بجد متشتغلش نفسك .. ساعتها هتلاقى بالك مرتاح .. ربنا بيقول "ومن يتوكل على الله فهو حسبه " حسبى الله ونعم الوكيل .
كل سنه وانا طيب .. وكل سنه وانا برنس ومفيش حاجه مزعلانى
بس الاهم من كل اللى فات دا ان الانسان يهتم لكن ميشغلش باله ..!! اعمل اللى عليك وسيب الباقى على ربنا .. بس تكون عامل اللى عليك بجد متشتغلش نفسك .. ساعتها هتلاقى بالك مرتاح .. ربنا بيقول "ومن يتوكل على الله فهو حسبه " حسبى الله ونعم الوكيل .
كل سنه وانا طيب .. وكل سنه وانا برنس ومفيش حاجه مزعلانى
ليست هناك تعليقات:
إرسال تعليق